Երևան`   +14 °C
Այսօր`   Ուրբաթ, 29 մարտի, 2024 թ.

Ո՞վ է ղեկավարում Սուդանն ու որտե՞ղ է գտնվում պաշտոնանկ արված նախագահը

2483
Ուրբաթ, 12 ապրիլի, 2019 թ., 12:25
Ո՞վ է ղեկավարում Սուդանն ու որտե՞ղ է գտնվում պաշտոնանկ արված նախագահը

Առաջիկա երկու տարիների ընթացքում Սուդանում նախագահական ընտրությունները չեն անցկացվի, ինչն արդեն հանգեցրել է Վաշինգթոնի քննադատությանը: Սուդանի պետական ​​հեռուստաընկերությունը հաղորդել է, որ ռազմական հեղաշրջումից հետո իշխանության ղեկին կանգնած զինվորական խորհուրդը ղեկավարում է պաշտպանության նախարար Ավադ Մուհամեդ Ահմեդ իբն Աուֆը: Հենց նա էր վերջին մի քանի տարիների ընթացքում զբաղեցնում երկրի փոխնախագահի պաշտոնը, և նախօրեին հայտարարել էր նախագահ Օմար ալ-Բաշիրի հեռացման մասին, հաղորդում է Reuters-ը:

2000-ականներին Աուֆը ղեկավարում էր ռազմական հետախուզությունը, այնուհետև՝ Սուդանի գլխավոր շտաբը:
2010-ից հետո նա որոշ ժամանակով զբաղեցրեց Օմանում Սուդանի դեսպանի պաշտոնը:

2007 թվականին Աուֆն ընդգրկվել է ԱՄՆ պատժամիջոցների ցանկում: Վաշինգթոնը դժգոհ էր նրանից Իրանի հետ հաստատած լավ հարաբերությունների համար: Դրանից բացի, գեներալը կասկածվում էր Հյուսիսային Դարֆուրում տեղի ունեցած հակամարտության ժամանակ խաղաղ բնակիչներին դաժանորեն սպանելու հրաման տալուց մեջ:

Reuters-ը նաև տեղեկացնում է, որ 30 տարի Սուդանը ղեկավարած նախագահ Ալ-Բաշիրի ճակատագիրը դեռևս հայտնի չէ: Զինվորականները պնդում են, որ պաշտոնանակ արված նախագահը գտնվում է անվտանգ վայրում: