Մահացել է Ղուկաս Նիկողոսյանը

Երեկ կյանքից հեռացել է հայտնի մարզիչ Ղուկաս Նիկողոսյանը: Ղուկաս Նիկողոսյանը ծնվել է 1941 թվականի մայիսի 9-ին՝ Լենինականում: Երկար տարիներ մարզել է «Արագած» մարզամշակութային ակումբի բասկետբոլի թիմը, որը տարիներ շարունակ մասնակցել է Հայաստանի տարբեր տարիքային խմբերի առաջնություններին և մրցանակային տեղեր նվաճել: 1993 թվականից աշխատել է Գյումրու մանկապատանեկան համալիր մարզադպրոցում՝ մարզելով պատանիների ու մեծահասակների թիմերը: Նիկողոսյանի գլխավորած թիմերը մասնակցել են Համահայկական խաղերին և Իրանի Իսլամական Հանրապետությունում անցկացված մի շարք միջազգային մրցաշարերի: 2000 թվականին Ղուկաս Նիկողոսյանին շնորհվել է Ֆիզիկական կուլտուրայի և սպորտի վաստակավոր աշխատող պատվավոր կոչում։