Ռոնալդուի հարսնացուն հղի է

Պորտուգալիայի ազգային հավաքականի և Թուրինի «Յուվենթուս»-ի հարձակվող Կրիշտիանու Ռոնալդուի հարսնացուն՝ Ջորջինա Ռոդրիգեսը, կրկին հղի է։ Այս մասին հայտնում են ԶԼՄ-ները՝ հիմք ընդունելով օրերս կայացած Եվրո-2020-ի ընտրական փուլի Պորտուգալիա - Սերբիա հանդիպման (1:1) ընթացքում արված լուսանկարը: Ջորջինան տրիբունայից հետևել է սիրելիի խաղին, իսկ լրագրողների աչքից չեն վրիպել նրա կառուցվածքի փոփոխությունները։

Նշենք, որ զույգն ունի ընդհանուր դուստր։ Ռոնալդուն ևս երեք երեխա ունի փոխնակ մայրերից։