Մխիթարյանի՝ կարիերան շարունակելու հավանական տարբերակները

Ինչպես ավելի վաղ տեղեկացրել էինք, Լոնդոնի «Արսենալ»-ը պատրաստ է վաճառքի հանել Հայաստանի ազգային հավաքականի կիսապաշտպան Հենրիխ Մխիթարյանին։ Վերջինս ամռանը կարող է հեռանալ թիմից։ Արտասահմանյան ԶԼՄ-ներն ակտիվ քննարկում են Մխիթարյանի՝ կարիերան շարունակելու հավանական տարբերակները։ Բրիտանական «Mirrօr»-ը դիտարկում է 5 տարբերակ՝

1․ Չինաստան, որտեղ ֆինանսական առումով ձեռնտու է տեղափոխվելը, նաև կա մեծ տարիք ունեցող ֆուտբոլիստների պայանջարկ

2․ վերադարձ Դորտմունդի «Բորուսիա», որտեղ նա հանդես գալու փորձ արդեն ունի

3․ «Էվերթոն», որտեղ միշտ հետաքրքրված են նրա ծառայություններով

4․ Թուրքիա, որտեղի առաջատար ակումբները՝ «Գալաթասարայ»-ը և «Ֆեներբախչե»-ն, նույնպես կարող են դիտարկել նրա տրանսֆերը

5․ Ճապոնիա, որտեղ ցանկանում են կիրառել չինական փորձը՝ անվանի ֆուտբոլիստներ ձեռք բերելով և բարձր աշխատավարձ վճարելով

Իտալական մամուլը, իր հերթին, Մխիթարյանի ապագան տեսնում է «Միլան»-ում, որի գործադիր տնօրեն Իվան Գազիդիսը ժամանակին աշխատել է «Արսենալ»-ում և կողմ է Մխիթարյանի տրանսֆերին։