Շների ագրեսիվ խմբերը՝ Մոնումենտի այգում․ ահազանգ

«Էս ինչ անկազմակերպ վիճակա։ Մեռանք ՀՈԱԿ զանգելով․․․Մոնումենտի այգում շներ էին հայտնվել, բազմացան, հիմա ագրեսիվ խմբերով են շրջում։ Ոչ ոքի չի հետաքրքրում՝ ո՛չ եկան, ո՛չ տարան, ո՛չ ստերջացրեցին։ Ինչպե՞ս է այս հարցը լուծվելու»,- ֆեյսբուքյան իր էջում գրել է օգտատեր Ռիմա Մովսիսյանը։ Նրա խոսքով դեռ 2 օր առաջ էին խոստացել հարցը լուծել, սակայն ոչ մի քայլ չի ձեռնարկվել։

Հավելենք, որ MAMUL.am-ը բազմաթիվ ահազանգեր է ստանում քաղաքացիներից, որոնք բողոքում են, որ մայրաքաղաքի տարբեր համայնքներում թափառող շներ են վխտում՝ սարսափի մեջ պահելով տարածքի բնակիչներին։

Հիշեցնենք, որ նույն խնդիրն էր բարձրացրել նաև օգատատեր Արթուր Միսակյանը։