Երևան`   +7 °C
Այսօր`   Երկուշաբթի, 16 նոյեմբերի, 2026 թ.

Հայ շախմատիստուհիները մեկնարկում են աշխարհի թիմային առաջնությունում

290
Երկուշաբթի, 04 մարտի, 2019 թ., 12:45
Հայ շախմատիստուհիները մեկնարկում են աշխարհի թիմային առաջնությունում

Այսօր Ղազախստանի մայրաքաղաք Աստանայում մեկնարկում է շախմատի կանանց աշխարհի թիմային 7-րդ առաջնությունը։ Այսօր կկայանա բացման հանդիսավոր արարողությունը: Չեմպիոնի կոչումը վիճարկող աշխարհի 10 ուժեղագույն ընտրանիների թվում է նաև 2018-ին կայացած 43-րդ Համաշխարհային օլիմպիադայում 6-րդը ճանաչված Հայաստանի կանանց հավաքականը: Գլխավոր մարզիչ Զավեն Անդրիասյանը մրցավայր է ուղեկցել գրոսմայստերներ Էլինա Դանիելյանին, Լիլիթ Մկրտչյանին, միջազգային վարպետներ Մարիա Գևորգյանին, Սիրանուշ Ղուկասյանին և ՖԻԴԵ-ի վարպետ Աննա Մ. Սարգսյանին:

Մրցակարգը շրջանաձև է և անցկացվելիք 9 տուրերում մեր շախմատիստուհիները կմրցեն ԱՄՆ-ի , Վրաստանի, Հունգարիայի, Եգիպտոսի, Հնդկաստանի, Ուկրաինայի, Չինաստանի, Ռուսաստանի, Ղազախստանի հավաքականների հետ։