«Համայնքի ղեկավարի պաշտոնը չպիտի ընկալվի բիզնես գործունեություն». Նիկոլ Փաշինյան

«Փորձը ցույց է տվել, որ ինչ համայնք մտնում ես, աչքի ընկնող օբյեկտներով հետաքրքրվում ես, պարզվում է՝ կա՛մ համայնքի ղեկավարինն է, կա՛մ համայնքի ղեկավարի տեղակալինն է և այսպես շարունակ: Սա ընդհանուր առմամբ զարմանալի իրականություն է ոչ միայն այն պատճառով, որ այդ մոտեցումը հանդուրժվում է հանրության կողմից: Ինձ համար, և ՀՀ քաղաքացու, և կառավարության համար այս մոտեցումն ընդունելի չի լինի: Համայնքի ղեկավարի պաշտոնը չպիտի ընկալվի բիզնես գործունեություն: Պետական պաշտոնյաի գործունեության առաջնային նպատակը պետք է լինի հանրային հարստացման բազմապատկումը և ոչ թե անձնային և խմբային»,- այսօր համայնքների ղեկավարների հետ հանդիպմանն ասել է ՀՀ վարչապետ Նիկոլ Փաշինյանը՝ հավելելով, որ նոր Հայաստանում այդպիսի երևույթներ չեն կարող լինել: