Երևան`   +10 °C
Այսօր`   Շաբաթ, 23 մարտի, 2019 թ.

Այստեղ աշխատել է կազմակերպված հանցախումբ և բավականին շատ տեխնիկա. «Բնապահպանի տուն»-ն ահազանգում է

275
Երկուշաբթի, 07 հունվարի, 2019 թ., 10:05
Այստեղ աշխատել է կազմակերպված հանցախումբ և բավականին շատ տեխնիկա. «Բնապահպանի տուն»-ն ահազանգում է

«Բնապահպանի տուն» նախաձեռնությունը ֆեյսբուքյան իր էջում ահազանգում է. ««Դիլիջան» ազգային պարկի նորանշանակ տնօրինությունը տեսախցիկների առաջ բազմիցս կրկնել է, որ իրենց մոտ ծառահատումներ չկան, կա միայն թափուկի՝ քամատապալ ծառերի հավաքում, որն իրենց անմիջական հսկողության տակ է ամեն վայրկյան:
Իսկ հիմա ձեր ուշադրությանն ենք ներկայացնում վերը նշված քամատապալ ծառերը և դրանց առաջացման տարբերակներից ընդամենը մեկը: Այս վիդեոն արվել է «Դիլիջան» ազգային պարկի Փիշիկ տեղամասում: Կտրվել են բացառապես մեծ, թանկանոց և կահույքի համար հարմար ծառեր: Սրանք օրվա հացի կարոտ գյուղացու, տաքանալու համար կտրվող ծառեր չեն:
Այս ամենը չի արվել մեկ օրում կամ մի քանի օրում: Սա երկարատև գործողության արդյունք է, և մեզ ՇԱՏ Է ՀԵՏԱՔՐՔՐՈՒՄ, թե ինչպես տնօրինությունը չտեսավ ու հենց ամենասկզբում չկանգնեցրեց այս ավիրածությունը: Այստեղ աշխատել է մեծ, կազմակերպված հանցախումբ և բավականին շատ տեխնիկա: Նորից ենք կրկնում, որ նրանք չեն արել այս ամենը մի քանի ժամում կամ մեկ օրվա մեջ:
Մնացածը թող արդեն ոստիկանությունը պարզի:
ՍԱ ՀԱՂՈՐԴՈՒՄ Է ՀԱՆՑԱԳՈՐԾՈՒԹՅԱՆ ՄԱՍԻՆ: Ծանր հանցագործության մասին:
Եթե սա աներ խեղճ գյուղացին, ապա վաղուց քթներից բերել էին թե անտառապահները և թե անտառի հաշվին բիզնես անողները, որոնց անունները Դիլիջանում բոլորը գիտեն»: