Կենդանաբանական այգում բեզոարյան այծ է սատկել
Երևանի կենդանաբանական այգին հաղորդագրություն է տարածել. «Պատահարներն ու անցանկալի իրադարձությունները համառորեն չեն լքում մեզ վերջին շրջանում: Թունավորման հետևանքով զեբրի անկման, մյուս կենդանիների անկման հետ կապված ցավալի դեպքերի՝ դեռևս իրավապահների կողմից չպարզված հանգամանքների ֆոնին այսօր առավոտյան դժբախտ դեպք է տեղի ունեցել նաև բեզոարյան այծերից մեկի հետ: Վերջինս հայտնաբերվել է սատկած վիճակում: Բեզոարյան այծի այս առանձնյակը երկուշաբթի օրը հայտնվել էր իր ազատավանդակից և Կենդանաբանական այգու սահմաններից դուրս, սակայն այգու աշխատակիցների ջանքերով նորից վերադարձել է այնտեղ: Կենդանին այդ ազատավանդակում բնակվում էր 2013 թվականից՝ ծնվելու օրվանից: Թե ինչն է դարձել պատճառ, որ կենդանին փախնի տարածքից, ինչպես նաև՝ կենդանու անկման պատճառը, հանգամանալից ուսումնասիրությունը կպարզի: Փաստ է սակայն, որ վերջին շրջանում Այգու շուրջ ծավալված իրադարձությունները շարունակվում են, և անհնար է դրանցում չնկատել հետևողականություն և ցանկալիին հասնելու պայքար: Պատահական չենք համարում, որ հերթական միջադեպը տեղի ունեցավ Այգու տնօրենի վերջին հարցազրույցից հետո, որը հրապարակվել է irates.am-ում: Համոզված ենք, որ քանի դեռ իրավապահ մարմինները ամբողջ ուժով և ծավալով չեն զբաղվել վերջին շրջանում Կենդանաբանական այգում տեղի ունեցած իրադարձություններով և դրանց մեղավորները չեն պատժվել, այս իրավիճակը, ցավոք, շարունակական է լինելու: Ի դեպ այս դեպքը կրկին մատնացույց է անում Կենդանաբանական այգու տնօրինության բազմիցս բարձրացրած՝ Այգու ամբողջական տարածքի ցանկապատման խնդրի ակտուալությունը: Կենդանաբանականում այժմ կա 12 բեզոարյան այծ, որոնցից երեքը այգում ծնվել են այս տարի»: |
««Դիլիջան» ազգային պարկում կտրում են վերջին հաստաբուն ծառերը». «Բնապահպանի տուն» (տեսանյութ)
121Երեկ, 23:30«Ու սրանց ոլորտ են վստահել»․ Քրիստինա Վարդանյան (տեսանյութ)
62127.03.2024, 10:48«Սովետի դենդրոլոգները հիմա ձեզ ինչե՜ր կասեին»․ Քրիստինա Վարդանյան
89826.03.2024, 15:36Արարատյան դաշտում սպասվում է 0․․․-1 աստիճան ցուրտ
94026.03.2024, 11:30Քրիստինա Վարդանյանը հիշեցնում է Արմեն Բեգոյանի հին մեկնաբանությունը թեղիների մասին
108625.03.2024, 23:24«Լավ, Փաշինյանը Սերժի չափ չկա՞, որ ասի՝ Տիգրան ջան, սիրուն չի»․ Գրիգոր Երիցյան (լուսանկար)
65225.03.2024, 16:48