Երևան`   +8 °C
Այսօր`   Երեքշաբթի, 17 նոյեմբերի, 2026 թ.

Հայտնի են հայ վոլեյբոլիստների մրցակիցները

387
Չորեքշաբթի, 28 նոյեմբերի, 2018 թ., 16:15
Հայտնի են հայ վոլեյբոլիստների մրցակիցները

Դեկտեմբերի 13-ին Երևանում կմեկնարկի Եվրոպայի Արևելյան գոտու երկրների մինչև 15 տարեկան վոլեյբոլիստների առաջնության ընտրական մրցաշարը, որին կմասնակցեն Ռուսաստանի, Ուկրաինայի, Բելառուսի, Լատվիայի, Լիտվայի, Էստոնիայի, Վրաստանի, Լեհաստանի և Հայաստանի տղաների հավաքականները: Թիմերը բաժանված են երկու ենթախմբի․ Հայաստանի հավաքականն ընդգրկված է առաջին ենթախմբում և կմրցի Ռուսաստանի, Բելառուսի, Լատվիայի, Լիտվայի թիմերի հետ: Հաջողակները եզրափակչի ուղեգիր կստանան և եկող մրցաշրջանում, 12 թիմերի հետ, կվիճարկեն արդեն մինչև 17 տարեկանների Եվրոպայի առաջնության մեդալները:

Երևանում լավ խաղ ցուցադրելու նպատակով մեր հավաքականը Թբիլիսիում օրերս ընկերական մրցամարտեր անցկացրեց տեղի չորս թիմերի հետ, որոնցից երեքի նկատմամբ հաղթանակ տոնեց: