Երևան`   +5 °C
Այսօր`   Երեքշաբթի, 17 նոյեմբերի, 2026 թ.

Ըմբշամարտ. Մանուկյանը և Հախոյանը շարունակում են պայքարն աշխարհի առաջնությունում

368
Ուրբաթ, 26 հոկտեմբերի, 2018 թ., 02:33
Ըմբշամարտ. Մանուկյանը և Հախոյանը շարունակում են պայքարն աշխարհի առաջնությունում

Հունգարիայի մայրաքաղաք Բուդապեշտում մեկնարկել է հունահռոմեական ոճի ըմբշամարտի աշխարհի առաջնությունը։ Մրցումային առաջին օրը պայքարի մեջ է մտել Հայաստանի 3 ներկայացուցիչ։

82 կգ քաշային աշխարհի և Եվրոպայի գործող չեմպիոն Մաքսիմ Մանուկյանը մեկնարկային գոտեմարտում 5։1 հաշվով հաղթեց Ռուսաստանի չեմպիոն Իմիլ Շարաֆետդինովին, ապա 1/8 եզրափակչում տուշեով հաղթեց կորեացի Ջին Հեոկ Կիմին, 1/4 եզրափակչում Մաքսիմը 1։2 հաշվով պարտվեց թուրք Էմրե Քուշին, հնարավորություն տալով մեր մարզիկին շարունակել պայքարը։

63 կգ քաշային Սլավիկ Գալստյանը 1/16 եզրափակչում 9։0 հաշվով հաղթեց կորեացի մարզիկին։ 1/8 եզրափակչում նա 1։3 հաշվով պարտվեց ադրբեջանցի Թալեհ Մամադովին։
55 կգ քաշային Նորայր Հախոյանը մեկնարկային գոտեմարտում 9։0 հաշվով հաղթեց խորվաթ Թոնի Բրալային, ապա 1/4 եզրափակչում 0-9 հաշվով պարտվեց Ղրղզստանի ներկայացուցիչ Ժոլաման Շարշենբեկովին, ով հասել է եզրափակիչ՝ հնարավորություն տալով մեր մարզիկին շարունակել պայքարը։