Երևան`   +5 °C
Այսօր`   Երեքշաբթի, 17 նոյեմբերի, 2026 թ.

Սամվել Բաբակյանը՝ երիտասարդների Եվրոպայի առաջնության արծաթե, Կարեն Ավագյանը՝ փոքր բրոնզե մեդալակիր

383
Հինգշաբթի, 25 հոկտեմբերի, 2018 թ., 19:00
Սամվել Բաբակյանը՝ երիտասարդների Եվրոպայի առաջնության արծաթե, Կարեն Ավագյանը՝ փոքր բրոնզե մեդալակիր

Լեհաստանի Զամոսց քաղաքում շարունակվում է Եվրոպայի երիտասարդական առաջնությունը՝ մինչև 20 և մինչև 23 տարիքային խմբերում: Մինչև 20 տարեկանների 94 կգ քաշային տղաների պայքարում հարթակ դուրս եկած Հայաստանի ներկայացուցիչներ Սամվել Բաբակյանը և Կարեն Ավագյանն արծաթե և փոքր բրոնզե մեդալներ նվաճեցին:

Սամվելը, պոկելով 165 կգ և հրելով 196 կգ, երկամարտում գրանցեց 361 կգ արդյունք: Սամվելը փոքր բրոնզե մեդալ նվաճեց պոկում վարժությունից, փոքր արծաթե՝ հրում վարժությունից։ Պոկում վարժությունում միևնույն 165 կգ արձանագրեց նաև Կարենը, սակայն նա երկրորդը մոտեցավ այդ քաշին և արդյունքում զբաղեցրեց 4-րդ տեղը։ Հրում վարժությունում Կարենն արձանագրեց 193 կգ արդյունք՝ նվաճելով փոքր բրոնզե մեդալ։ Երկամարտի 358 կգ արդյունքով նա 4-րդն է։

Այս քաշային կարգում հաղթող դարձավ բելառուս Եվգենի Ցիգանցովը՝ երկամարտի 385 կգ արդյունքով։ Բրոնզե մեդալ նվաճեց ուկրաինացի Կիրիլ Պիրոգովը՝ երկամարտի 360 կգ արդյունքով։