Երևան`   +5 °C
Այսօր`   Երեքշաբթի, 17 նոյեմբերի, 2026 թ.

«Արարատ»-ը հայտարարություն է տարածել

461
Հինգշաբթի, 25 հոկտեմբերի, 2018 թ., 15:50
«Արարատ»-ը հայտարարություն է տարածել

«Արարատ» ֆուտբոլային ակումբը դիմել է երկրպագուներին՝ հայտարարություն տարածելով․ «Սիրելի՛ երկրպագուներ, ցանկանում ենք ձեզ հայտնել, որ նախկինում որոշ խոչընդոտների պատճառով «Արարատ» ՖԱ-ն չէր կարողանում հաջողություններ ու լավ արդյունքներ գրանցել հայկական ֆուտբոլում: Սակայն, այժմ իրավիճակ է փոխվել թե՛ Հայաստանում, թե՛ հայկական ֆուտբոլում:

Ակումբի սեփականատերերը և հովանավորները միշտ ձգտել են և ցակացած պարագայում արել են հնարավոր ամեն բան, որպեսզի բարձր պահեն թիմի անունը: Նրանք ներդրումներ են կատարել թե՛ Հայաստանում, թե՛ Արցախում: Տարիներ շարունակ նրանք կանգնած են եղել հայկական ֆուտբոլի կողքին:

Այս պահին ակումբն ունի շատ լուրջ նպատակներ, որոնց դրական արդյունքը տեսանելի կլինի մոտ ապագայում: Այս պահին տրանսֆերային պատուհանը փակ է և չենք կարող փոխել իրավիճակը: Թիմից հեռացել են 6 ֆուտբոլիստներ, ունենք վնասվածքներ: Թիմը ծանր վիճակում է, սակայն նույնիսկ այս վիճակում առաջընթաց է գրանցում խաղային առումով:

Աբրահամ Խաշմանյանի նշանակումն արդեն խոսում է այն մասին, որ փոփոխությունների սկիզբը դրված է: Ձմեռային տրանսֆերային պատուհանի ժամանակ ակումբն ունենալու է մի շարք նոր ֆուտբոլիստներ: Թիմը համալրվելու է միայն հզոր խաղացողներով: Նրանք լինելու են թե՛ տեղացի, թե արտասահմանից հրավիրված ֆուտբոլիստներ: Ձմռանը նախատեսվում է նաև ուսումնամարզական մի քանի հավաք անցկացնել արտասահմանում:

Ակումբում ամեն ինչ արվում է, որպեսզի շատ արագ «Արարատը» վերադառնա հայկական ֆուտբոլի բարձունքին»,- նշված է հայտարարության մեջ։