Երևան`   +7 °C
Այսօր`   Երեքշաբթի, 17 նոյեմբերի, 2026 թ.

«Սա ողջ ազգի հաղթանակն է». Հայաստանի հավաքականի ֆուտբոլիստները՝ Լիխտենշտեյնի դեմ խաղի մասին

398
Ուրբաթ, 07 սեպտեմբերի, 2018 թ., 04:10
«Սա ողջ ազգի հաղթանակն է». Հայաստանի հավաքականի ֆուտբոլիստները՝ Լիխտենշտեյնի դեմ խաղի մասին

Երևանի Վազգեն Սարգսյանի անվան «Հանրապետական» մարզադաշտում կայացած Ազգերի լիգայի խմբային փուլի՝ Լիխտենշտեյնի դեմ հանդիպումից հետո մեր հավաքականի ֆուտբոլիստներն ամփոփեցին խաղը.

Տիգրան Բարսեղյան . «Երբ հաղթում ես, տպավորությունները միշտ լավն են լինում: Թիմով հաղթում ենք, թիմով պարտվում: Սա իմ կամ ուրիշի հաղթանակը չէ, այլ ողջ ազգինն է: Հուսամ՝ կշարունակենք հաղթել»:

Արաս Օզբիլիս. «Բարդ հանդիպում էր: Առաջինը գոլ խփեցինք, սակայն շուտ ընդունեցինք պատասխան գնդակը: Ամենակարևորը, որ կարողացանք երեք միավոր վաստակել և հանգիստ կնախապատրաստվենք առաջիկա խաղին: Ամեն ինչ անելու ենք, որպեսզի հաղթենք»։

Մարկոս Պիզելի. «Մենք գիտեինք, որ հեշտ չի լինելու: Ափսոս, որ չկարողացանք իրացնել մեր գոլային պահերը: Կարևորը 3 միավոր վաստակելն է: Այս մրցաշարում բոլոր հավաքականները հաղթելու հույս ունեն: Այդ պատճառով ուրախ ենք, որ կարողացանք հաղթել:

Անդրե Չալըշըր. «Առաջին անգամ Հայաստանում խաղացի: Երկրպագուները հիանալի էին աջակցում: Ե՛վ 1:0, ե՛վ 1:1 հաշիվների ժամանակ նրանք շարունակում էին աջակցել: Նրանք օգնեցին մեզ հաղթել»:

Արտակ Եդիգարյան. «Գրավիչ խաղ չստացվեց, բայց էականը հաղթանակն էր: Շատ կարևոր էր 3 միավոր վաստակելը։ Կապ չունի, թե ում հետ ենք խաղում, տրամադրվում ենք հարյուր տոկոսով: Բոլոր խաղերը մեզ համար եզրափակիչ են և բոլոր միավորները՝ կարևոր»։

Գևորգ Ղազարյան. «Ընդհանուր առմամբ կամք դրսևորեցինք և կարողացանք հաղթանակ տոնել: Մակեդոնիայի դեմ խաղում պետք է ավելի կազմակերպված, ուշադիր և զգույշ խաղալ»։

Իվան Յագան. «Սա իմ առաջին խաղն էր Հայաստանում: Ինձ ու իմ թիմի համար առաջին խաղում կարևորը հաղթելն էր: Սպասում եմ առաջիկա հանդիպումներին»:

Արամ Հայրապետյան. «Դժվար խաղ էր, ցավալի գոլ բաց թողեցինք, բայց տղաները կարողացան հաղթանակ կորզել: Ասել էի, որ հեշտ խաղ չի լինելու, այդպես էլ կար, հեշտ մրցակից չէր: Կեցցեն թիմակիցներս՝ հաղթանակի համար»։

Հովհաննես Համբարձումյան. «Lավ է, որ մրցաշարը սկսեցինք հաղթանակով: Պատրաստվում ենք Մակեդոնիայի դեմ կարևոր խաղին: Հիմա լավ մարզավիճակում եմ և այն բարելավելու հնարավորություն ունեմ»։