Մահացել է Մաթևոս Նիկողոսյանը
![]() Այսօր՝ հուլիսի 27-ին, 66 տարեկան հասակում, մահացել է միջազգային կարգի մրցավար Մաթևոս Նիկողոսյանը: Մաթևոս Նիկողոսյանը ծնվել է 1953 թվականի մայիսի 7-ին, Երևան քաղաքում: 70-ական թվականներին սկսել է բասկետբոլիստի կարիերան, հանդես է եկել ՖԻՄԱ ակումբում: Ավարտել է Ֆիզիկական կուլտուրայի հայկական պետական ինստիտուտը, այնուհետև տեղափոխվել է Ղրղզստան և ուսանել է Ղրղզստանի ֆիզիկական կուլտուրայի պետական ինստիտուտում: 1976 թվականին, 23 տարեկան հասակում, արժանացել է ԽՍՀՄ սպորտի վարպետ կոչմանը: 80-ական թվականներին անցել է մարզչական աշխատանքի Երևանի «Ուրարտու» սպորտային ակումբում, ինչպես նաև գլխավորել է Հայաստանի ազգային հավաքականը: Սակայն այդ տարիներին նրան սկսել է գրավել մրցավարական աշխատանքը: 1986 թ.Նիկողոսյանին շնորհվել է «համամիութենական կատեգորիայի բասկետբոլի մրցավար» կոչումը : Խորհրդային Միության փլուզումից հետո Մաթևոս Նիկողոսյանը բնակություն է հաստատել Ղազախստանում: Աշխատել է Կ. Ախմետովի անվան «Օլիմպիական հերթափոխի ուսումնարանում», որտեղ նա մարզել է Ղազախստանի բասկետբոլի ազգային հավաքականների խաղացողներին և զուգահեռաբար զբաղվել է մրցավարական աշխատանքով: 1996 թ.-ին արժանացել է բասկետբոլի միջազգային կարգի մրցավար կոչմանը: Նույն տարում նա սկսել է աշխատել Ղազախստանի բասկետբոլի ֆեդերացիայում: 22 տարի շարունակ եղել է Ղազախստանի բասկետբոլի ֆեդերացիայի մրցավարական հանձնաժողովի նախագահ, համակարգել է մրցավարների աշխատանքը Ղազախստանի առաջնություններում: |

Լատվիա-Հայաստան՝ 0:0. մեր հավաքականի դարպասապահը՝ լավագույն խաղացող
210Երեկ, 21:12
Տիգրան Հարությունյանը հաղթել է թուրք մրցակցին ու դարձել քիքբոքսինգի Եվրոպայի չեմպիոն
19014.11.2026, 19:42
Հայկ Մարտիրոսյանը հաղթել է շախմատի աշխարհի հնգակի չեմպիոն Մագնուս Կարլսենին (տեսանյութ)
18914.11.2026, 00:30
Հայաստանն ու Կիպրոսը ոչ ոքի խաղացին
19312.11.2026, 23:24
Վահե Սուքիասյանը՝ շախմատի Եվրոպայի մինչև 18 տարեկանների կրկնակի չեմպիոն
17012.11.2026, 18:54
Գևորգ Ղազարյանն առաջադրվել է ՀՖՖ նախագահի պաշտոնում (տեսանյութ)
17910.11.2026, 12:42
