Երևան`   +11 °C
Այսօր`   Հինգշաբթի, 28 մարտի, 2024 թ.

«ԵՄ անդամակցությունը Թուրքիայի ռազմավարական նպատակն է». Էրդողան

3008
Երկուշաբթի, 26 մարտի, 2018 թ., 20:50
«ԵՄ անդամակցությունը Թուրքիայի ռազմավարական նպատակն է». Էրդողան

Թուրքիայի նախագահ Ռեջեփ Էրդողանը հայտարարել է, որ Թուրքիան շարունակում է ԵՄ-ի հետ Թուրքիայի անդամակցության մասին բանակցությունները, հաղորդում է Regnum-ը՝ հղում անելով Anadolu գործակալությանը;

Նման հայտարարությամբ Էրդողանը հանդես է եկել Բուլղարիա այցի նախաշեմին Աթաթուրքի անվան օդանավակայանում:

«Մենք շարունակում ենք Եվրոմիության հետ բանակցությունները»,- ասել է Էրդողանը՝ նշելով, որ այդ բանակցություններն իրականացվում են՝ հաշվի առնելով աշխարհում և տարածաշրջանում Թուրքիայի դիրքը:

Նա նաև նշել է, որ ԵՄ-ին անդամակցությունը նախկինի պես Անկարայի գլխավոր ռազմավարական նպատակներից է՝ հավելելով, որ «Թուրքիան կհաղթահարի բոլոր խոչընդոտները, որոնց հետ բախվում է բանակցային գործընթացում»: