Երևան`   +11 °C
Այսօր`   Երեքշաբթի, 17 նոյեմբերի, 2026 թ.

Արամ Հակոբյանն «Աէրոֆլոտ օփեն»-ում գրոսմայստերի 3-րդ նորման է լրացրել

338
Հինգշաբթի, 01 մարտի, 2018 թ., 13:20
Արամ Հակոբյանն «Աէրոֆլոտ օփեն»-ում գրոսմայստերի 3-րդ նորման է լրացրել

Մոսկայում ավարտված «Աէրոֆլոտ օփեն» միջազգային մրցաշարում Հայաստանը ներկայացնող17-ամյա Արամ Հակոբյանը հիանալի է հանդես եկել։ 2497 վարկանիշ ունեցող մեր շախմատիստը մրցաշարի 9 տուրերում մրցել է իրենից զգալիորեն բարձր վարկանիշ ունեցող մրցակիցների դեմ (Հակոբյանի հակառակորդների միջին գործակիցն է 2613): Մրցաշարի ընթացքում Հակոբյանը տոնել է 1 հաղթանակ և 8 պարտիա ավարտել հաշտությամբ: 92 մասնակիցների մեջ իր գործակցով լինելով միայն 71-րդը՝ Հակոբյանը գրավել է 21-րդ հորիզոնականը, 19 կետով բարելավել իր անհատական վարկանիշը և 3-րդ անգամ լրացրել գրոսմայստերի նորմա: Բարձր կոչումը Հակոբյանին կշնորհվի ՖԻԴԵ-ի՝ ապրիլին կայանալիք նախագահության նիստում: