Երևան`   +10 °C
Այսօր`   Երեքշաբթի, 17 նոյեմբերի, 2026 թ.

Հայ շախմատիստները ձեռնունայն են վերադառնում Մոսկվայից

284
Հինգշաբթի, 01 մարտի, 2018 թ., 11:45
Հայ շախմատիստները ձեռնունայն են վերադառնում Մոսկվայից

Մոսկվայում ավարտվեց «Աէրոֆլոտ oփեն» միջազգային մրցաշարը: Վերջին տուրից առաջ Գաբրիել Սարգսյանը և Տիգրան Լ. Պետրոսյանը պահպանում էին «Աէրոֆլոտ օփեն»-ում հաղթելու հնարավորությունները: Վերջին տուրում Սարգսյանի մրցակիցն էր առաջատար Վլադիսլավ Կովալյովը: Սպիտակներով հանդես եկող մեր շախմատիստը հաղթանակի հասնելու դիմեց չափազանց մեծ ռիսկի, սակայն որևէ առավելություն չստացավ, և 17-րդ քայլում կողմերը համաձայնվեցին ոչ-ոքի արդյունքի: Ոչ-ոքի արդյունքի շնորհիվ Բելառուսը ներկայացնող Կովալյովը դարձավ «Աէրոֆլոտ Օփեն»-ի հաղթող և նվաճեց Դորտմունդի սուպերմրցաշարի ուղեգիր: Վերջին տուրի իր պարտիան հաշտությամբ ավարտեց նաև Տիգրան Լ. Պետրոսյանը: Արդյունքում Պետրոսյանը և Սարգսյանը 6-ական միավորով կիսեցին 4-10-րդ հորիզոնականները, իսկ լրացուցիչ ցուցանիշների հաշվարկից հետո Պետրոսյանը դարձավ 5-րդը, իսկ Սարգսյանը՝ 8-րդը:
B մրցաշարում հաղթողի կոչումը նվաճելու լավ հնարավորություն ուներ Տիգրան Քոթանջյանը, ով վերջին տուրից առաջ 6.5 միավորով կիսում էր 1-3-րդ հորիզոնականները, սակայն որոշիչ պարտիայում Քոթանջյանը պարտվեց և գրավեց միայն 4-րդ հորիզոնականը:
C մրցաշարում հաջող հանդես եկավ Մարկ Բասենցյանը, ով 9 հնարավորից վաստակեց 7 միավոր և կիսեց 2-4-րդ հորիզոնականները, սակայն ցածր լրացուցիչ ցուցանիշների պատճառով գրավեց 4-րդ հորիզոնականը: