Երևան`   +7 °C
Այսօր`   Երեքշաբթի, 17 նոյեմբերի, 2026 թ.

«Սա դաս էր»․ Մեդվեդևան՝ Զագիտովային զիջելու մասին

354
Ուրբաթ, 23 փետրվարի, 2018 թ., 14:15
«Սա դաս էր»․ Մեդվեդևան՝ Զագիտովային զիջելու մասին

Փհենչհանում ընթացող ձմեռային օլիմպիական խաղերի շրջանակներում այս գիշեր տեղի ունեցավ մենասահորդուհիների պայքարն՝ ազատ ծրագրում։ Ոսկե մեդալի համար պայքարը ծավալվում էր ռուս գեղասահորդուհիներ Ալինա Զագիտովայի և Եվգենիա Մեդվեդևայի միջև։ Արդյունքում ավելի ուժեղ գտնվեց 15-ամյա Զագիտովան, ով էլ հռչակվեց օլիմպիական խաղերի չեմպիոնուհի։ Երկրորդ տեղում է Եվգենիա Մեդվեդևան, իսկ լավագույն եռյակը եզրափակեց Կանադան ներկայացնող Կեյթլին Օսմոնդը։

«Սա դաս էր: Ամեն օր, ամեն շաբաթ, ամեն ամիս և տարի պետք է ավելի լավը դառնաս: Վնասվածքի մասին չէի մտածում: Ապրում էի այսօրվա պահով: Լաց եղա՝ կյանքումս առաջին անգամ։ Չգիտեմ, թե ինչ կատարվեց: Զգացմունքներ էին, բոլորս մարդ ենք»,- նշել է Մեդվեդևան՝ մրցելույթից հետո։