Վիկտորյական ժամանակաշրջանի կանայք չեն ամաչել հասարակական վայրում իրենց երեխային կրծքով կերակրելուց

Հասարակական վայրում կրծքով կերակրելը մեր օրերում, կարելի է ասել, համարվում է տաբու, ինչի համար կերակրող մորը հասրակությունը կարող է մեղադրել անպարկեշտության համար: Սակայն միշտ չէ, որ քաղաքակրթությունն այդպիսի մոտեցում է դրսևորել այս հարցի շուրջ: Չէ որ մանկահասակ երեխայի համար կրծքի կաթը միակ սնունդն է, իսկ կերակրելը՝ նրան հանգստացնելու ու կշտացնելու միակ միջոցը: Սա շատ լավ են հասկացել 19-րդ դարի Եվրոպայում: Այս ժամանակաշրջանում ապրող կանայք, ովքեր շատ բծախնդիր ու խիստ են վերաբերվել իրենց արտաքին տեսքին, ամոթ չեն համարել բոլորի աչքի առաջ իրենց երեխաներին կերակրելն: Ավելին, այն կանայք, ովքեր բավականին հարուստ ընտանիքից են եղել և կարողացել են իրենց թույլ տալ օգտվել լուսանկարչի ծառայություններից, հավերժացրել են իրենց կյանքի այդ առանձնահատուկ ժամանակաշրջանը լուսանկարներով: Նրանք կրծքով կերակրմանը վերաբերվել են որպես բնական երևույթի՝ ոչ որպես ամոթալի գործողության: