Երևան`   +9 °C
Այսօր`   Երեքշաբթի, 17 նոյեմբերի, 2026 թ.

«Կենդանի պաշտոնյաներ կա՞ն ՀՀ պետական կառույցներում». Ախթալայի պոչանքը շարունակում է լցվել Դեբեդ գետը

413
Երեքշաբթի, 20 փետրվարի, 2018 թ., 15:30
«Կենդանի պաշտոնյաներ կա՞ն ՀՀ պետական կառույցներում». Ախթալայի պոչանքը շարունակում է լցվել Դեբեդ գետը

«Սա նկարել ենք փետրվարի 16-ին: Տեղացիները հաստատեցին, որ Ախթալայի լեռնահարստացուցիչ կոմբինատից դուրս եկող հոսքաջրերն են ու լցվում են Դեբեդ: Պարզ երևում է տարբերությունը գետի ջրի հետ»,- խնդրի մասին կրկին բարձրաձայնում է «Հայկական բնապահպանական ճակատ»-ը՝ կցելով տեսանյութը:

«Էկոլոգիական ահաբեկչությունը շարունակվում է։ Կենդանի պաշտոնյաներ կա՞ն ՀՀ պետական կառույցներում, որոնք ի վիճակի են այս խնդիրներին լուծում տալու․․․»,- ֆեյսբուքյան իր էջում գրել է բնապահպան Լևոն Գալստյանը՝ դիմելով ՀՀ բնապահպանության նախարարությանը:

Մեր նախորդ հրապարակումներում անդրադարձել էինք Ախթալայի հանքավայրի պոչամբարի արտահոսքի խնդրին, որը շուրջ 20 օր է՝ մատնված է անտարբերության: