Թուրքիայի նախկին վարչապետի որդուն մահացած են գտել

Թուրքիայում ինքնասպանություն է գործել երկրի նախկին վարչապետ Մեսութ Յըլմազի որդին՝ Յավուզ Յըլմազը, հաղորդում է թուրքական NTV հեռուստաալիքը:

38-ամյա Յավուզը հայտնաբերվել է իր բնակարաններից մեկում: Նրա մարմնի վրա հրազենային վնասվածքներ են հայտնաբերվել: Ավելի վաղ հաղորդվել է, որ նրան սպանել են:

Դեպքի փաստով քրեական գործ է հարուցվել, հետաքննություն է ընթանում:

Մեսութ Յըլմազը 90-ականների 3 անգամ Թուրքիայի վարչապետ է եղել, հրաժարական է տվել այն բանից հետո, երբ 1998թ. թուրքական խորհրդարանը նրա նկատմամբ կաշառակերության մեղադրանքով անվստահության վոտում էր ներկայացրել: