Հայտնի է 2017թ. վայրի բնության ամենազավեշտալի լուսանկարը

Comedy Wildlife Photography Awards մրցանակաբաշխության ժյուրին ընտրել է 2017թ. վայրի բնության ամենազավեշտալի լուսանկարը:
Լուսանկարի հեղինակը հունգարացի լուսանկարիչ Թիբոր Կերցն է: Դրանում ճյուղի վրա նստած 3 բուեր են, որոնցից մեկը ցած է ընկում:

«Գետնի վրա» անվանակարգում հաղթող է ճանաչվել իտալացի լուսանկարիչ Անդրեա Զամպատիի՝ ծաղկի վրա ճոճվող մկան լուսանկարը:

Իսկ «ջրի տակ» անվանակարգում հաղթել է դժգոհ կրիայի լուսանկարը, որը հեղինակել է ավստրալացի Թրոն Մեյնը:

Հաջորդ՝ «երկնքում» անվանակարգում հաղթել է «հրթիռ» թռչունի լուսանկարը. հեղինակը շոտլանդացի Ջոն Թրելֆոլն է: