Կանարյան կղզիների ստորջրյա թանգարանն ու հրաբխի խառնարանի վրա պատրաստված ուտեստները

Նախորդ տարվա ձմռանը Լանսարոտեի ափերի մոտ (Կանարյան կղզիներ) բացվեց Եվրոպայի ամենամեծ ստորջրյա թանգարանը՝ Museo Atlántico-ն: Բրիտանացի քանդակագործ Ջեյսոն դի Քայրես Թեյլորը թանգարանի համար ստեղծեց շուրջ 300 արձան՝ Ատլանտյան օվկիանոսի հատակը վերածելով պատկերասրահի: Այս մեկ տարվա ընթացքում հարյուր հազարավոր զբոսաշրջիկներ են այցելել այս ապշեցուցիչ վայրը: Մեծ թիվ են կազմել հատկապես դայվինգի սիրահարները:

Թանգարանը, սակայն, կղզու միակ տպավորիչ վայրը չէ: Այստեղ է գտնվում նաև «El Diablo» ռեստորանը, որտեղ կարելի է բիֆշտեքս պատվիրել՝ պատրաստված հանգած հրաբխի խառնարանի վրա, դրա վերևում տեղադրված թավայի մեջ:

Տիմանֆայյա ազգային պարկում գտնվող հրաբուխը վերջին անգամ ժայթքել է 1824 թվականին։