«Ի՞նչ եք առաջարկում, կալանքը հանե՞նք, բոլորին տանենք տո՞ւն»․ Արմեն Խաչատրյան

«Ո՞վ է ասել, որ կալանքը դրախտավայր է, կալանքը շատ լուրջ հոգեբանական սթրես է և, ընդհանարապես, ազատազրկումը լուրջ սթրես է։ Սակայն հանցագործությունների կանխարգելման ամենամեծ գործոնը հենց նրանում է, որ հեռանկարը՝ հանցագործությունը կատարելուց հետո կալանք, ազատազրկում, բավականին դաժան են, որ մարդիկ հանցագործություն չանեն։ Եթե կալանքը, ազատազրկումը լինի դրսում կյանքից չտարբերվող պայմաններով, բնականաբար, իր ազդեցությունը կկորցնի։ Բայց կալանքը որպես պատժամիջոց չի կիրառվում, կալանքն ուղղակի նախաքննության ընթացքում քրեական գործի քննությանը չխոչընդոտելու միջոց է»,- ճեպազրույցի ժամանակ ասել է ՔՊ-ական պատգամավոր Արմեն Խաչատրյանը։
Լրագրողի դիտարկմանը, որ կան նաև այլ խափանման միջոցներ, որոնք հիմնականում չեն կիրառվում, ՔՊ-ականն ասել է․ «Ի՞նչ եք առաջարկում, ընդհանրապես կալանքը հանե՞նք որպես խափանման միջոց, բոլորին տանենք տո՞ւն, հա՞, ի՞նչ եք առաջարկում։ Կալանքի հարցը բոլոր երկրներում միշտ շահարկվում է՝ արժե կալանք տալ, թե չարժե»։