«Մտել է մարդկանց տուն, կրակել, եթե այդ ամենը չլիներ, մենք հենց նույն օրը կվերադարձնեինք Ադրբեջանին»․ Նիկոլ Փաշինյան

«Տեղի ունեցածն ինքնին արդեն պրոբլեմ է, ընդ որում՝ պրոբլեմ է ոչ թե զինվորի մոլորվելն ու սահմանն անցնելը, այլ այն, որ ինքը կրակել է, վնասել է քաղաքացուն, մարդկանց տուն է մտել։ Եթե այդ ամեն ինչը չլիներ՝ մենք հենց նույն օրը զինվորին կվերադարձնեինք Ադրբեջանին»,- ճեպազրույցի ժամանակ ասել է Նիկոլ Փաշինյանը՝ անդրադառնալով Շաքիի դեպքին։
«Բայց չեմ կարծում, որ սա այն հարցն է, որ պիտի խաղաղության գործընթացն ինչ-որ ձևով վտանգի, չնայած մեր ընդդիմադիր գործընկերներն այնպիսի հայտարարություններ են անում, որ բացարձակապես զարմանալի է»,- նշել է նա։