«Սա հրմշտոց էր, մեր դասական, սիրած ծեծկռտուքը չէր»․ Ռուբեն Ռուբինյան

«Արդյո՞ք չեղարկված է բարեվարքություն պահելը և արդեն «մարտեր առանց կանոնների» ռեժիմի է անցնում ԱԺ-ն»,- ճեպազրույցի ժամանակ հետաքրքվեց լրագրողը։ «Չէ, սա չի նշանակում, որ չեղարկվել է բարեկրթության մթնոլորտը պահելու հրամայականը»,- պատասխանել է Ռուբեն Ռուբինյանը։ «Հաստատ «մարտեր առանց կանոնների» ռեժիմում չենք, եթե մարտեր, ապա գոնե կանոններով, և չեմ կարծում, որ պետք է չափազանցնել այսօրվա միջադեպի մասշտաբը, որովհետև դա հրմշտոց էր, որը շատ վատ էր, բայց էն մեր դասական, սիրած ծեծկռտուքը չէր, դեռ էն դաժան ծեծկռտուքը տեղի չի ունեցել, հուսով եմ՝ տեղի չի ունենա»,- շարունակել է ԱԺ նախագահը։