«Դրսից կառավարվելը փոքր երկրի մեծ խնդիրն է»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Փոքր երկրի մեծ դարդերը։
5-րդ դարում Ղազար Փարպեցին գրել է․ «Անչափ ծանր էր տեսնել, երբ պարսիկները տանում էին երկրի գանձերը, բայց ոչ պակաս հայ նախարարներն էին ներսից քանդում, թալանում, ժողովրդին զրկում ու ամայացնում երկիրը: Նրանցից առավել ստորներին պարսից արքունիքը վստահում էր հայոց աշխարհի բարձր պաշտոնները, նրանք էլ հայրենասեր իշխաններին կա՛մ վերացնում էին, կա՛մ բանտարկում, կա'մ էլ մատնում թշնամու ձեռքը: Ժողովուրդը տուն ու տեղը թողնելով՝ արցունքն աչքերին հեռանում էր Հայրենիքից»:
1500 տարի է անցել, Տիզբոնի փոխարեն Մոսկվան ու Վաշինգթոնն են հայոց երկրի քանդողներ նշանակում, ժողովուրդը տուն ու տեղը թողնելով՝ արցունքն աչքերին հեռանում է հայրենիքից։ Դրսից կառավարվելը փոքր երկրի մեծ խնդիրն է, մեր իշխանությունն էլ, ընդդիմությունն էլ դրսից են կառավարվում։ Հետո էլ զարմանում ենք, թե ինչու է Հայաստանի Հանրապետությունն անդունդը գլորվում»