«Խորհրդանշական է, որ արդեն Ներքին Հանդում խաղահրապարակ կառուցելուն ենք հասել»․ Նիկոլ Փաշինյան

«Խորհրդանշական է, որ մենք արդեն Ներքին Հանդում խաղահրապարակ կառուցելուն ենք հասել»,- այս մասին Կառավարության այսօրվա նիստում նշեց վարչապետ Նիկոլ Փաշինյանը։

«Սա նշանակում է, որ երեխաներ են ապրում Ներքին Հանդում․․․ Այսիքն, որ ասում ենք՝ խաղաղությունը կա, թե չկա, սրա մասին է։ Դա նշանակում է, որ Ներքին Հանդում ծնողները պատրաստ են երեխաներին թույլ տալ, որ գնան այդ խաղահրապարակում խաղալ, չունեն, չէ՞ մտավախություն։ Պարզ է, որ սահմանազատում արված չէ, հարցեր կան, և մարդիկ արդեն արձանագրել են, որ այդ հարցերի լուծման տրամաբանությունը տեղափոխվել է այլ դաշտ»,- հավելեց Փաշինյանը։