«Ինչ որ թղթեր էիք կպցնում իրար, փորձում գործ հնարել, որ Փաշինյանի հրահանգը կատարեք»․ Մանուկ Սուքիասյան

«Թևանյանի հանդեպ մի աղմկահարույց, մի «սենսացիոն», պաթետիկ տեքստեր են տարածում, որ այդ պատվիրովի գործն ուղարկեն դատարան։ Այս մոգոնած, թքած-կպրած, ամոթալի խայտառակ գործը պայթելու է դատարանում»,- Դատախազության դիմաց «Մայր Հայաստան»-ի անդամների ակցիայի ժամանակ ասաց Մանուկ Սուքիասյանը։ «Պետք չէ դատարանները վերածել կրկեսի, ծաղրածուի դեր պետք չի ստանձնել, դուք այս երկրի մարդիկ եք, վերցրեք այդ գործը, նորից նայեք ծայրից ծայր, ամաչելու եք հետո դրա համար։ Ամոթ բոլոր այն պաշտոնյաներին, իրավապահներին, ովքեր առ այսօր լուռ ու մունջ կատարել են վերևից եկած հրամանները»,- դիմելով իրավապահ համակարգի աշխատողներին՝ ասաց Սուքիասյանը և շարունակեց․ «Ընկած ինչ որ թղթեր էիք կպցնում իրար՝ փորձում գործ հնարել, որ Փաշինյանի հրահանգը կատարեք, դուք այնքան եք նպաստում շոուներին, որ մարդն իր ոտքով եկել էր քննչականի մուտքի մոտ, մուտքի մոտից մինչև դարպասը այդ 3 մետրն անցնելու համար ձեռնաշղթաներ անցկացրեցիք, որ կադրեր ունենաք»։

Նշենք, որ ակցիայի մասնակիցները Դատախազության դիմացից գնացել են դեպի Կառավարության շենք՝ շարունակելով իրենց բողոքի ակցիան։