ԱԺ մշտական հանձնաժողովների նախագահների ընտրության քվեարկությունը տեղի կունենա վաղը

Քիչ առաջ ավարտվեց ԱԺ տարածաշրջանային և եվրասիական ինտեգրման հարցերի մշտական հանձնաժողովի նախագահի պաշտոնում ՔՊ-ական Տրդատ Սարգսյանի թեկնածության հարցի քննարկումը, որից հետո Հաշվիչ հանձնախմբի նախագահ Լիլիթ Մինասյանը տեղեկացրեց. «Ավարտեցինք 12 մշտական հանձնաժողովների նախագահների թեկնածությունների քննարկումը: Ընտրությունը պետք է իրականացնենք մեկանգամյա քվեարկությամբ: Քանի որ ժամը 17:00-ն է մոտենում, 1 ժամը բավարար չէ ամենը կազմակերպելու համար: Քվեարկությունը տեղի կունենա ԱԺ նիստերի դահլիճին կից նախասրահում՝ վաղը ժամը 10:10-ին և կտևի 2 ժամ»: