«Եթե այսօր լիներ հանրաքվե՝ ՀՀ-ն միանում է ԵՄ-ին, ՀՀ-ն մնում է ԵԱՏՄ-ում, ինչպե՞ս կդիրքավորվեիք». Էդուարդ Աղաջանյան

«Եթե այսօր լիներ հանրաքվե, հարց. ՀՀ-ն միանում է ԵՄ-ին, ՀՀ-ն մնում է ԵԱՏՄ-ում, ինչպե՞ս կդիրքավորվեիք՝ որպես քաղաքական ուժ»,- դիմելով «Ուժեղ Հայաստան»-ից Արեգա Հովսեփյանին՝ ասաց ՔՊ-ական Էդուարդ Աղաջանյանը:

Քննարկվում է ԱԺ եվրոպական ինտեգրման հարցերի մշտական հանձնաժողովի նախագահի ընտրության հարցը։ «Ուժեղ Հայաստան» խմբակցությունը նշված հանձնաժողովի նախագահի պաշտոնում ընտրելու համար առաջադրել է Արեգա Հովսեփյանի թեկնածությունը։

Հովսեփյանն արձագանքեց. «Խնդրում եմ տրամադրել համապատասխան տնտեսական, ֆինանսական, անվտանգային բոլոր վերլուծությունները, որոնց հիմքում կա ՀՀ շահը, այդ մասին նստենք, քննարկենք ու եթե դա բխում է ՀՀ շահերից... Մենք կողմ ենք եվրոինտեգրմանը, բայց եթե խոսքը գնում է օրենքի, հանրաքվեի մասին, կողմ ենք որոշակիությանը»: