«Այս խորհրդարանը մեռելածին է, չի կարող քաղաքական կյանքի ծանրության կենտրոն դառնալ»․ Սուրեն Սուրենյանց

«Այս խորհրդարանը մեռելածին է․ նման խորհրդարանները քաղաքական կյանքի ծանրության կենտրոն դառնալ չեն կարող»,- «24Նյուզ»-ի հետ զրույցում այս կարծիքը հայտնեց քաղաքագետ Սուրեն Սուրենյանցը։

Նրա խոսքով՝ ԲՀԿ-ի հետ կապված դրվագը չնչին դրվագ չէ։ «ՀՀ էլեկտորալ պատմության մեջ առաջին անգամ «բեսպրեդել» որոշում է կայացվել ինչ-որ կուսակցության՝ խորհրդարան թողնել-չթողնելու վերաբերյալ։ Ինչքան այս խորհրդարանը գործի, դա, որպես լեգիտիմության բռնաբարության խարան, այս իշխանության ճակատին դաջված է լինելու․ սա մեկ։ Երկրորդ՝ դուք չեք հիշի մեկ այլ խորհրդարան, որպեղ ոչ միայն ընդդիմությունը կասկածի տակ դնի իշխանության լեգիտիմությունը, այլ իշխանությունը կասկածի տակ դնի ընդդիմության «ձայների օրգանիկ լինելը»․․․ Փորձում են ներառականության միջոցով շնչառություն հաղորդել մեռելածին խորհրդարանին, այլ կերպ ասած՝ լեգիտիմության բացակայությունը լրացնել ընդդիմության մասնակցությամբ»,- ընդգծեց Սուրենյանցը։