«Կարելի էր «սրիկայաբար» բառի փոխարեն «հայելային» մեթոդ կիրառել»․ Կարեն Հեքիմյան

Հասարակական գործիչ Կարեն Հեքիմյանը ֆեյսբուքյան իր էջում գրել է․ «Ինչպես պայքարել ՔՊ-ականների դեմ:
Հնդկաստանի քաղաքական և հոգևոր հանճարեղ առաջնորդ Մահաթմա Գանդին քաղաքական հակառակորդների հետ պայքարում կիրառում էր «հայելային» պատասխանի մեթոդը: Այսինքն, հակառակորդին պատասխանում էր նրա իսկ խոսքերով՝ առանց ավելորդ դատողությունների և մեկնաբանության, որպեսզի վերջինս ինքն իրեն կողքից տեսնի։
Վերադառնանք Նոր Հայաստան: ՔՊ-ականները նեղվել էին Էդգար Ղազարյանի հնչեցրած «սրիկայաբար» բառից: Նորմալ է, քանզի այդ բառը մինչ այժմ Նոր Հայաստանի քաղաքական խոսույթում չկար: Այդ իմաստով, հաշվի առնելով Մահաթմա Գանդիի ֆենոմենը, «սրիկայաբար» բառի փոխարեն կարելի էր հնչեցնել, օրինակ՝ «վնգստացող», «շուն-շանգյալ», «բոշա», «կզացնելու եմ», «լեզուդ, ականջներդ կկտրեմ» բառերն ու արտահայտությունները: Հիշեցնեմ, որ այդ բառերն ու արտահայտությունները տարբեր ժամանակահատվածներում հնչեցրել են Փաշինյան Նիկոլն ու բարձրաստիճան ՔՊ-ականները: Դա կլիներ «հայելային» պատասխան:
Զանգվածաբար կիրառելով «հայելային» պատասխանի մեթոդը, Մահաթմա Գանդին հաջողությամբ առաջնորդեց Հնդկաստանի՝ Մեծ Բրիտանիայից, անկախանալու շարժումը: