«Ինչպե՞ս են ձեր նյարդերը դիմանում, երբ ձեր առջև մատ թափ տալով են խոսում»․ լրագրողը՝ Նարեկ Կարապետյանին

«Ո՞նց են ձեր նյարդերը դիմանում, երբ ձեր առջև կանգնած շատ վիրավորական ու կոշտ բառապաշարով, մատ թափ տալով խոսում են»,- ճեպազրույցի ժամանակ լրագրողը հարց ուղղեց ԱԺ «Ուժեղ Հայաստան» խմբակցության ղեկավար Նարեկ Կարապետյանին։ «Ես հիշում եմ, թե ում համար եմ այստեղ, հիշում եմ՝ ինչքան գյուղեր ենք շրջել, ինչքան մարդկանց հետ ենք շփվել, ինչ պատասխանատվություն ունեմ ես այդ մարդկանց առաջ»,- պատասխանեց Կարապետյանը։ Դիտարկմանը, թե մարդիկ սխալ չեն հասկանա՞ ձեր լռությունը, ընդդիմադիր ուժի ներկայացուցիչը պատասխանեց․ «Չեմ կարծում, որ մարդը կկասկածի, որ անձնական խնդիրներին շատ հեշտ կարող եմ դրական տեղային լուծումներ տալ, բայց առաջնայինը մեր մարդկանց կյանքի բարելավումն է, հիշենք՝ ինչի համար ենք եկել այստեղ ու լուրջ վերաբերվենք մեր աշխատանքին»։