«Ես «Ուժեղ Հայաստան» խմբակցության պատգամավոր եմ և շարունակելու եմ իմ գործունեությունը»․ Էդգար Ղազարյան

«Քննարկվե՞լ է ձեր մանդատ վայր դնելու հարցը»,- լրագրողները հետաքրքրվեցին «Ուժեղ Հայաստան» խմբակցության պատգամավոր Էդգար Ղազարյանից։ «Նման հարց չի քննարկվել»,- պատասխանեց նա։
«Ես մեր խմբակցության գործընկերների հետ ունեմ փոխըմբռնման ընդհանուր շատ լավ մթնոլորտ և ամեն մի ելույթ, ամեն մի հարցադրում, ամեն մի քննարկում չի կարող դառնալ մեծ իրադարձություն»,- շարունակեց ընդդիմադիր պատգամավորը։ Դիտարկմանը, թե հնարավո՞ր է ինքն իր մեջ քննարկել է անկախ պատգամավոր դառնալու հարց, Էդգար Ղազարյանը պատասխանեց․ «Ինչի՞ համար, ես «Ուժեղ Հայաստան» խմբակցության պատգամավոր եմ և շարունակելու եմ իմ գործունեությունը»։ Իսկ ԱԺ դահլիճում իր տեղը փոխելու հարցի հետ կապված նշեց․ «Դա տեխնիկական, կազմակերպական հարց է, որը վաղուց էր քննարկվում»։