«Երեկվա դեպքի հետ կապված խոսակցություն եղե՞լ է Նարեկ Կարապետյանի հետ»․ հարց՝ Էդգար Ղազարյանին

«Երեկ հեռացաք նիստից, արդյո՞ք դեպքի հետ կապված խոսակցություն եղել է Նարեկ Կարապետյանի հետ»,- լրագրողը դիմեց ԱԺ «Ուժեղ Հայաստան» խմբակցության պատգամավոր Էդգար Ղազարյանին։ «Երեկ ես ուղղակի պլանավորած հանդիպում ունեի, դրա համար շուտ դուրս եկա և այսօր նորից բարեխղճորեն, ինչպես միշտ, եկել եմ իմ պարտականությունները կատարելու։ Մնացած որևէ բան տեղի չի ունեցել»,- ի պատասխան ասաց Ղազարյանը։
Հիշեցնենք՝ երեկ ԱԺ-ում «Ուժեղ Հայաստան» խմբակցության պատգամավոր Էդգար Ղազարյանն իր ելույթում ՔՊ-ական պատգամավորներին մեղադրել էր պատերազմի և զոհերի հաշվին իշխանություն պահելու ու բարեկեցության հասնելու մեջ՝ նշելով, որ «զինվորների կյանքը փորձում են սրիկայաբար շահագործել», ինչից հետո իրավիճակը լարվել էր դահլիճում։ Ռուբինյանն ասել էր՝ Էդգար Ղազարյանը պետք է ներողություն խնդրի: Այսօր, երբ ԱԺ նախագահը խմբակցության ղեկավարին հարցրել էր՝ ասելիք ունե՞ք, Նարեկ Կարապետյանն արձագանքել էր՝ ոչ, Էդգար Ղազարյանը ևս ներողություն չէր խնդրել: