«Ո՛չ հարգանք կա, ո՛չ ամոթ, ո՛չ զսպվածություն»․ Դավիթ Մանուկյան

«Ապրելու երկիր» կուսակցության քաղաքական խորհրդի անդամ Դավիթ Մանուկյանը ֆեյսբուքյան իր էջում գրել է․ «Նայում ես՝ երիտասարդ աղջիկներ ու տղաներ են, բայց այնպես են խոսում Կաթողիկոսի մասին, որ տպավորություն է ստեղծվում, թե ո՛չ հայի արժեհամակարգ են կրում, ո՛չ էլ դաստիարակություն են ստացել։
Ինչքա՞ն կարելի է նման անդաստիարակ պահվածք ցուցաբերել․ ո՛չ հարգանք կա, ո՛չ ամոթ, ո՛չ զսպվածություն։ Կողքներին նստած սպիտակահեր մարդիկ էլ, փոխարենը սաստեն ու ասեն՝ «չի կարելի այդպես», ծափ են տալիս։
Առաջին հայացքից պարզ բան է, սակայն իրականում շատ խորը, արժեհամակարգային ու վտանգավոր ճգնաժամ է, որը ներդրեցին այս իշխանությունները և գնալով ավելի են խորացնում։ Նպատակը խորքային իմաստով հայի արժեհամակարգի խեղումն է: Այս ամենը վերջիվերջո պետք է արժանանա համայն հայության հակազդեցությանը»։