«Այսօր ձեզ համար ազգային ամոթի օ՞ր է»․ լրագրողը՝ Ռուզաննա Երեմյանին

«Ընդդիմադիրներն ԱԺ ամբիոնից հայտարարեցին, որ այսօր ամոթանքի օր է, որովհետև կաթողիկոսին կանգնեցում են դատարանի առջև։ Ձեզ համար ևս ազգային ամոթի օ՞ր է»,- «Նյուզ»-ը դիմեց ՔՊ-ական պատգմավոր Ռուզաննա Երեմյանին։ «Ես մեր ընդդիմադիրների հետ համաձայն չեմ։ Ես ունեմ իմ համոզմունքը․ ինձ համար ՀԱՍ եկեղեցին անքննելի է, բայց մենք չենք խոսում ՀԱԵ մասին, մենք խոսում ենք կոնկրետ անձի մասին՝ Կտրիճ Ներսիսյանի մասին, ով խախտել է, ըստ լուրերի, կուսակրոնության ուխտը։ Ես, որպես ՀԱԵ հետևորդ, ուզում եմ ստանալ ինձ հուզող հարցի պատասխանը։ Եվ եթե ապացուցի, որ չի խախտել կուսակրոնության ուխտը և այն քաղաքացին, ում մասին բոլորս գիտենք, իր դուստրը չէ, ես հրապարակային ներողություն կխնդրեմ»,- ի պատասխան ասաց ՔՊ-ական պատգամավորը։