«Բաքվի բանտում պահվող Արցախի ռազմաքաղաքական ղեկավարության առկայությամբ խոսել ինքնիշխանության և խաղաղության մասին, ստորացվածի անբարոյականություն է»․ Աղվան Վարդանյան

«Արցախը չկա, արցախահայությունը էթնիկ զտման է ենթարկվել, Ադրբեջանի զորքը ՀՀ-ում է, Ադրբեջանը նորանոր պահանջներ է դնում, Թուրքիան հարաբերությունները պայմանավորում է Ադրբեջանի շահերով ու իր աշխարհաքաղաքական նպատակադրումներով։ Ներքին խնդիրների, ժողովրդավարության հետընթացի, բռնաճնշումների, ընտրություն կեղծելու, քաղբանտարկյալների մասին չեմ խոսում, դրանք մեր լուծելիքն են, բայց Բաքվի բանտում 3 տարի պահվող Արցախի ռազմաքաղաքական ղեկավարության առկայությամբ խոսել ինքնիշխանության և խաղաղության մասին, ստորացվածի անբարոյականություն է»,- ԱԺ ամբիոնից հայտարարեց ընդդիմադիր պատգամավոր Աղվան Վարդանյանը։ Նրա խոսքով՝ իշխանության մնալու մտասևեռումով այս իշխանությունը պատրաստ է կատարել Թուրքիայի ու Ադրբեջանի բոլոր պահանջները, միայն թե ժամանակ շահի։