««Դատավարություն» է մեր երկրի, մեր եկեղեցու և մեր ինքնության դեմ»․ Անդրանիկ Թևանյան

«Մայր Հայաստան» ժողովրդական շարժումը հրապարակել է կուսակցության առաջնորդ Անդրանիկ Թևանյանի ուղերձը՝ «Երևան-Կենտրոն» ՔԿՀ-ից․ «Ադրբեջանը բազմաթիվ նախապայմաններ է թելադրում Հայաստանին։ Քաղաքացի Նիկոլ Փ-ն հլու-հնազանդ բավարարում է դրանք։
Այդ նախապայմաններից մեկը հնչեցվել է Փաշազադեի շուրթերից և վերաբերում է Հայ Առաքելական Սուրբ Եկեղեցուն։
Այսօր Էջմիածնում տեղի կունենա խայտառակ դատավարություն՝ ընդդեմ Ամենայն հայոց կաթողիկոսի և մեր հարգարժան մյուս հոգևորականների։ Իրականում դա «դատավարություն» է ոչ միայն և ոչ այնքան մեր հոգևոր առաջնորդների, որքան մեր երկրի, մեր եկեղեցու և մեր ինքնության դեմ։
Կոչ եմ անում ՀՀ քաղաքացիներին անպայման մասնակցել այդ «դատավարությանը»՝ այդպիսով սատարելով մեր արժեքներին և մերժելով Փաշազադեի կամակատարներին»։