«Օրենքի ընդունումը չի նշանակում, որ Հայաստանն այսօր հնարավորություն ունի դառնալու ԵՄ անդամ»․ Նիկոլ Փաշինյան

2025 թվականին Հայաստանում ԵՄ-ին անդամակցության վերաբերյալ օրենքի ընդունումը չի նշանակում, որ Հայաստանն այսօր հնարավորություն ունի դառնալու Եվրոմիության անդամ։ Այս մասին հայտարարել է վարչապետ Նիկոլ Փաշինյանը՝ Ղրղզստանում ընթացող Եվրասիական միջկառավարական խորհրդի ընդլայնված կազմով նիստին։

«Հայաստանի Հանրապետությունը ի գիտություն է ընդունել ԵԱՏՄ անդամ չորս պետությունների ղեկավարների մայիսի 29-ի հայտարարությունը, որով նրանք աջակցություն են հայտնել Հայաստանում ԵՄ-ին անդամակցության վերաբերյալ հանրաքվե անցկացնելու գաղափարին։ Ինչպես գիտեք, 2025 թվականին Հայաստանում ընդունվել է օրենք՝ Եվրոմիությանը Հանրապետության անդամակցության գործընթացի մեկնարկի մասին։ Այդ օրենքի ընդունման հիմնական նպատակը մեր երկրի համար այլընտրանք ստեղծելն է։

Մենք հասկանում ենք, որ ԵԱՏՄ-ին և ԵՄ-ին միաժամանակյա անդամակցությունը անհնար է։ Սակայն նշված օրենքի ընդունումն ինքնին չի նշանակում, որ Հայաստանն այսօր հնարավորություն ունի դառնալու Եվրոմիության անդամ»,- նշել է նա։