««Հայաստան» դաշինքը կողմ է քվեարկելու Արամ Վարդևանյանի թեկնածությանը»․ Աննա Գրիգորյան

««Հայաստան» դաշինքը աջակցելու է և կողմ է քվեարկելու Արամ Վարդևանյանի թեկնածությանը»,- «Ալֆա Նյուզ»-ի հետ զրույցում ասաց ԱԺ «Հայաստան» խմբակցության ղեկավար ԱՆնա Գրիգորյանը՝ անդրադառնալով ԱԺ փոխնախագահի պաշտոնում «Ուժեղ Հայաստան» խմբակցության պատգամավոր Արամ Վարդևանյանի թեկնածությանը։ Իսկ հարցին, թե արդյոք ՔՊ-ն կողմ կքվեարկի Վարդևանյանի թեկնածությանը՝ ընդդիմադիր խմբակցության ղեկավարը պատասխանեց․ «Նրանց ընտրությունը ոչ թե իրենց բարի կամքի դրսևորումն է, այլ ուղիղ պարտավորություն, կա նաև Սահմանադրական դատարանի որոշում, և իրենք չեն կարող չընտրել։ Այն, որ քաղաքական մեծամասնության ուղիղ պարտավորությունն է ապահովել համապատասխան ձայներ, որպեսզի ընդդիմադիր ուժը ևս ունենա փոխխոսնակի կարգավիճակ՝ դա ուղղակի փաստ է»։