«Ձեր մասին մտածեք․ քաղաքական գեներալից դարձել եք եֆրեյտոր»․ Աննա Գրիգորյան

«Պարոն Քոչարյան, դուք հերթական պատգամավորը չեք, դուք Պաշտպանության և անվտանգության հանձնաժողովի ղեկավարն եք․ դուք վատ չեք զգո՞ւմ, որ 8 տարի գալիս, նույն բանի մասին եք ասում»,- անդրադառնալով ՔՊ-ական պատգամավոր Անդրանիկ Քոչարյանի այսօրվա ելույթին՝ ասել է «Հայաստան» խմբակցության ղեկավար Աննա Գրիգորյանը։ «Բա 8 տարի լծակները ձեր ձեռքին ունենալ՝ ինչո՞վ եք զբաղված եղել։ Ես կարծում եմ՝ ձեզ համար պետք է վիրավորական լինի 8 տարի նույն նախադասությունը, նույն՝ Աղվան Հովսեփյանը, նույն Ռոբերտ Քոչարյանը, նույն Մարտի 1-ը․ գոնե ձևի համար մի նախադասություն մի քիչ փոխեք։ Անդրադարձաք նաև իմ դերին․ պարո՛ն Քոչարյան, ձեր մասին մտածեք․ քաղաքական գեներալից դարձել եք եֆրեյտոր»,- շարունակեց ընդդիմադիր գործիչը։