«Շնորհավորանքը ցույց է տալիս այն վտանգավոր ուղեգիծը, որով ընթանում է իշխանությունը». Շիրազ Խաչատրյան

«Հենակետ» ՀԿ-ի փորձագետ Շիրազ Խաչատրյանի ֆեյսբուքյան գրառումը. «Խիստ խորհրդանշական է, որ ՀՀ ԱԺ նախագահի ընտրությունից հետո առաջինը շնորհավորեց Ուկրաինայի Գերագույն ռադայի նախագահը:
Բնական է՝ իշխանությունն անմիջապես կարդարանա, թե «մենք ի՞նչ մեղք ունենք, որ առաջինն այնտեղից են շնորհավորել»։ Բայց խնդիրը, իհարկե, դա չէ:
Խնդիրը նաև ուկրաինացի ժողովուրդը չէ, որի հետ հարաբերություններ պահպանելը միանգամայն բնական է և անհրաժեշտ:
Բուն խնդիրը սրա տակ թաքնված աշխարհաքաղաքական ենթատեքստն է։ Այս «պատահական» շնորհավորանքն իրականում ցույց է տալիս այն վտանգավոր ուղեգիծը, որով շարունակում է ընթանալ օրվա իշխանությունը ու Հայաստանը ներքաշում է աշխարհաքաղաքական վտանգավոր խաղերի մեջ։ Իսկ իշխանությունների նմանատիպ արկածախնդրությունները, ցավոք, շարունակվում են՝ տարածաշրջանային այս բարդ պայմաններում մեր պետությունը կանգնեցնելով անկանխատեսելի ու նոր սպառնալիքների առջև»: