«Ձեզ թվում ա մենակ մե՞նք ունենք պատմություն ու պատմական հայրենիք». Արման Եղոյան

ՔՊ-ական պատգամավոր Արման Եղոյանը ԱԺ ամբիոնից դիմեց Նարեկ Կարապետյանին. «Պարոն Կարապետյանն այս ամբիոնից եկավ, ասաց, որ Ադանան մեր հայրենիքն է: Հարց՝ ո՞ր չափանիշով: Ադանան գիտե՞ք՝ որտեղ է գտնվում՝ Կիլիկիայում: Ո՞ր չափանիշով ենք մենք սահմանում մեր հայրենիքը: Կարա լինի բոլոր այն տարածքները, որտեղ երբևէ եղել ա հայկական պետականություն: Տարբերակ 2՝ բոլոր այն տարածքները, որտեղ կոմպակտ ապրել են հայեր, օրինակ՝ Սեբաստիա: Իմ պապերը եկել են Խոյից: Դուք մեր բարեկամ Իրանի հետ հանդիպումներում կասե՞ք Խոյը մեր հայրենիքն է: Իրանի դեսպանին կասե՞ք, որ դա մեր Պարսկահայքն է: Պարոն Կարապետյան, ես այդ ճանապարհը մթով եմ անցել, Մեծ Հայքի սահմանները կարող եմ այս թղթի վրա չնչին շեղումներով նշել: Լավ, Վրաստանից է պատվիրակություն եկել, գիտեք չէ, որ Լոռին և Տաշիրը բավական երկար ժամանակ եղել է վրացական թագավորության մաս: Հիմա եթե գա Վրաստանից պատգամավոր և ասի, որ Տաշիրն իմ հայրենիքն ա, որովհետև էսինչ թվականին եղել ա Վրաստանի մաս: Բայց Լոռին հայկական ա, որովհետև ՀՀ-ի մաս ա:
Բա ձեզ թվում ա, որ գնաք թուրքերին ասեք՝ Ադանան մեր հայրենիքն ա, իրենք ի՞նչ պիտի մտածեն: Ձեզ թվում ա մենակ մե՞նք ունենք պատմություն ու պատմական հայրենիք: Այստեղ Արաբական խալիվաթ է եղել, հիմա արաբական մի պետություն գա ու ասի՝ սա մեր հայրենի՞քն է»: