Նարեկ Կարապետյանի նկատմամբ խափանման միջոց է կիրառվել բացակայելու արգելքը և 1 միլիարդ դրամ գրավը

«Ուժեղ Հայաստան» դաշինքի անդամ Նարեկ Կարապետյանի նկատմամբ որպես խափանման միջոց ընտրվել է բացակայելու արգելքը և 1 միլիարդ դրամ գրավ։ Այս մասին լրատվամիջոցներին հայտնել են Գլխավոր դատախազությունից։

Հիշեցնենք՝ դատախազը նախօրեին հանրային քրեական հետապնդում է հարուցել Նարեկ Կարապետյանի նկատմամբ։

Ավելի վաղ Կենտրոնական ընտրական հանձնաժողովը երկու օր տևած քննությունից հետո համաձայնություն է տվել «Ուժեղ Հայաստան»-ի ընտրական ցուցակի առաջին համարին մեղադրանք առաջադրելուն, սակայն վերադարձրել է նրան կալանավորելու համաձայնություն տալու Դատախազության միջնորդությունը: