«Փաշինյան Նիկոլի ռեժիմը խորը ճգնաժամ է ստեղծել ներքին անվտանգության ոլորտում». Դերենիկ Մալխասյան

«Մայր Հայաստան» կուսակցության անդամ Դերենիկ Մալխասյանի ֆեյսբուքյան գրառումը. «Երբ ռեժիմի ուժային կառույցների հիմնական զբաղմունքը ընդդիմադիրներին հետապնդելն ու բռնաճնշումների ենթարկելն է՝ բնականաբար Երևանի ու մյուս քաղաքների փողոցները պետք է վերածվեն արյունալի մարտադաշտերի: Երբ հասարակության մեջ աճում է արդարադատության նկատմամբ անվստահությունը՝ բնականաբար գլուխ է բարձրացնում ինքնիրավչության ու ինքնադատաստանի պրակտիկան:
Փաշինյան Նիկոլի ռեժիմը տապալել է ոչ միայն արտաքին անվտանգությունը, այլ նաև խորը ճգնաժամ է ստեղծել ներքին անվտանգության ոլորտում»: