«Երբ հերթական պաշտոնյան խոսում է խցանումներից, հիշեցնում եմ պատճառները»․ Ավետիք Քերոբյան

«ՀայաՔվե»-ի անդամ Ավետիք Քերոբյանի ֆեյսբուքյան գրառումը․ «Երբ հերթական անգամ հերթական պետական կամ համայնքային պաշտոնյան խոսում է խցանումներից, փողոցները լայնացնել չկարողանալուց կամ սպառնում հասարակական տրանսպորտի առանձնացված գոտի ստեղծել, ես հիշում ու հիշեցնում եմ՝
Երեք պատճառ լուսանկարներում, երեքն էլ քաղաքապետարանի վարիչի ուղիղ պատասխանատվության ոլորտում։
Պարզաբանեմ՝
1. Քաղաքապետարանի ավտոմեքենան կայանված է հասարակական տրանսպորտի համար իրենց իսկ կողմից հատկացված երթևեկելի գծում։
2. Քաղաքապետարանի ենթակայությամբ գործող հասարակական տրանսպորտի ձեռնարկության ավտոբուսներից մեկը երկրորդ երթևեկելի գոտի է դուրս եկել հատկացված գոտու առկայության պարագայում։
3. Քաղաքապետարանի ենթակայությամբ գործող աղբահանության ձեռնարկության աշխատողները բանուկ ժամի աղբարկղ են դատարկում՝ աղբատար մեքենան կանգնեցնելով երկրորդ և երրորդ երթևեկելի գոտիներում, ուղղությունը դարձնելով անանցանելի։
Ավելացնեմ նաև՝
Տարատեսակ փակումներ այս կամ այն պաշտոնյայի շարսյան անցման համար
Պարեկների կողմից երթևեկության անգրագետ կարգավորում
Քարուքանդ փողոցներ
Միակողմանի դարձրած փողոցներ
Երկարատև ինժեներական աշխատանքներ
Շինարարության ընթացքում երթևեկելի գոտիների զավթում
Կանգառներ նեղ փողոցներում
Աղբարկղեր երթևեկելի գոտիներում
Չնկարվող համարներով մեքենաների խախտումներ
Համայնքային հիմնարկների տրանսպորտի անպատժելի խախտումներ
Գրեթե առանց բացառության՝ ոչ օպտիմալ ռեժիմով աշխատող լուսացույցեր»։