«Դուք տղամարդավարի խոստում տվեցիք ու ձեր խոսքի տերը չեղաք», «սուտ եք խոսում»․ լարված իրավիճակ՝ Գյումրու ավագանու նիստին

«Դուք ամեն անգամ արհամարհում ենք իմ հարցը։ Խոսք տվեցիք, որ հաջորդ նիստին հարց կբարձրացնեք, և որոշակի գումար կտրամադրեք, որը հիմք կհանդիսանա, որ ես դիմեմ բարեգործական ֆոնդին ու տնակային հարցը լուծեմ։ Դուք ձեր խոստմանը տեր չկանգնեցիք, ես ձեզնից շատ սպասումներ ունեի, բայց չպատկերացրեցի, որ էս վիճակին կհասցնեք էս խնդիրը»,- Գյումրու ավագանու նիստի ժամանակ իրավիճակը լարվեց քաղաքացու խոսքերից հետո։ «Ինչո՞ւ եք կարգը խախտում։ Սուտ եք խոսում, պրովակացիա եք անում»,- հակադարձեց Գյումրու քաղաքապետի պարտականությունները կատարող Ավետիս Առաքելյանը։ «Ես սուտ չեմ խոսում, դուք տղամարդավարի խոստում տվեցիք, որ կլուծեք ու ձեր խոսքի տերը չկանգնեցիք, դա շատ վատ է»,- նշեց քաղաքացին։